உலராதிருக்கும் வரை - கதை (4) சுழி

 

ஒரு தந்தையின் மனப் போராட்டம் கதையில் சொல்லப்படுகிறது.  அந்தப் போராட்டம் எப்படி இயற்கையின் விளையாட்டோ அதேபோல் அது முற்றுப் பெறுவதும் இயற்கையின் விளையாட்டாகவே அமைகிறது.‌

இதோ கீழே கதையின் இணைப்புக் கண்ணி 

 https://vallinam.com.my/version2/?p=9445#


இனி கதை என் பார்வையில். 

கதையில் கதாநாயகனுக்கு மகன் அதுவும் தன்னுடைய 2.0 பதிப்பாகப் பிறக்க வேண்டும் என்ற ஆசை. ஆனால் பிறந்து என்னவோ பெண் குழந்தை. அதுவும் தன் குணாதிசயங்களைத் கொள்ளாமல் எல்லாச் செயல்பாடுகளிலும் தன் மனைவியைக் கொண்டிருப்பதில் கொஞ்சம் வருத்தம். 


மகளின் நடை உடை பாவனை மற்றும் செயல்கள் எல்லாம் அவளது தாயைப் போலவே இருப்பதை அவள் பெருமையாகக் கருதுகிறாள். 


அவன் மனைவி வழியில் மரபணுவிலேயே பெண்கள்தான் dominant. அதைக் கிண்டலாக 'கோழிப்பண்ணை'க் குடும்பம் என்றழைக்கும் சகலைகள் வாயிலாக வெளிப்படுத்துகிறார் லோகேஷ் ரகுராமன்.


அதே மாதிரி பெண்ணின் செயல்பாடுகளில் சக்கரம் வைத்த பெட்டியை சிரமப்பட்டு தன் தாயைப் போலவே தூக்கிக் கொண்டு நடப்பது போன்றவற்றைக் குறிப்பிடுகிறார். 


பெண்ணிற்கோ தான் தாயை நடை, உடை பாவனையில் கொண்டுள்ளதில் ஏகத்திற்கும் பெருமை. 


சொல்லி வைத்த மாதிரி 

பெண்ணுக்கும் பெண்ணே பிறக்கிறது.‌ பேத்தி பிறந்ததில் சந்தோஷம் இருந்தாலும் பேரன் பிறக்கவில்லையே என்ற ஏக்கமும் உள்ளிருக்கிறது.


யதேச்சையாக பேத்திக்கு பாடம் சொல்லிக் கொடுக்கும் போது அவள் தன்னைப் போன்றே ஜீரோ (0) எழுதும் போது வலப்புறமாகச் சுழிப்பதைக் காண்கிறான். அப்பாடா தன் குணாதிசயம் ஒன்று பேத்திக்கு வைத்திருப்பதில் மனத் திருப்தி அடைகிறான்.


பொதுவாக அப்பனுக்குப் பெண் பிடிக்கும். அம்மைக்குப் பிள்ளை பிடிக்கும் என்பார்கள். ஆனால் இங்கு தகப்பன் தன்னுடைய ஜெராக்ஸ் பிரதியாக ஒரு பிள்ளைக்கே ஆசைப்படுகிறான். சரி அதுதான் நடக்கவில்லை.‌ இயற்கையின் விளையாட்டு என்றால் மகள் தன் குணாதிசயங்கள் எதையும் கொள்ளாமல் போனதில் பெரும் ஏமாற்றம். எரியும் நெருப்பில் எண்ணை ஊற்றியது போல இருக்கிறது "நான் அம்மா மாதிரி" என்று பெருமையாக மகள் சொல்லிக் கொள்வது.


இப்படித் தொடர் ஏமாற்றங்களுக்கிடையில் பேத்தியின் ஒரு சின்ன செயல்பாடு பாலைவனத்தில் ஒரு பசுஞ்சோலை. 


என் மகள் இதற்கு நேர்மாறாக எல்லோரிடமும் நான் என் அப்பா மாதிரி என்பாள். அதைக் கேட்கவே என் மனசுக்குள் அப்படி ஒரு மகிழ்ச்சி ஊற்றெடுக்கும். 


சராசரி ஆண்கள் அனைவருக்கும் தன் வாரிசுகள் தன்னைக் கொள்ள வேண்டும் என்ற ஆசை நிச்சயமாக இருக்கும். அது நிராசையாக ஆனால் மனதுக்குள் வலிக்கும். 


அந்த வலிக்கு பேத்தி மூலம் மருந்திட்டு விடுகிறார் லோகேஷ் ரகுராமன். நல்ல கதை.‌ தகப்பன்மார்கள் நிச்சயமாகப் படித்து ரசிக்க முடியும்.



மீண்டும் சந்திப்போம்.

Comments

Post a Comment

Popular posts from this blog

தேசியக் கொடிகள் பற்றிய சில அடிப்படைத் தகவல்கள் - (1)

Image
விண்மீன்களும் கொடிகளும் பற்றிய தொடரை எழுத ஆரம்பித்த போது அது என்னை புயல் காற்று போல் எங்கெங்கோ கூட்டிப் போணது. அப்போது கொடிகள் அவற்றின் அமைப்பு வரலாறு இவை பற்றி எல்லாம் கொஞ்சம் அறிந்து கொள்ள ஆரம்பித்தேன். அதை பகிரும் எண்ணத்துடன் என்னை ஊக்கப்படுத்தும் உங்களுக்கு சமர்ப்பணம் செய்கிறேன்.  கொடிகள் பற்றிய படிப்பு வெக்ஸில்லோஜி (vexillology) என்று அழைக்கப்படுகிறது. ஒரு கொடியின் அமைப்பில் பயன் படுத்தப்படும் சில தொழில்நுட்ப வார்த்தைகளையும் அவற்றுக்கான விளக்கங்களையும் கொடுத்துள்ளேன். இதில் தவறுகள் இருப்பின் எனக்கு தெரிவித்தால் திருத்திக் கொள்ள முடியும். பொதுவாக ஒரு கொடியின் வடிவமைப்பில் உள்ள முக்கியமான பகுதிகளும் அவற்றின் பெயர்களும் கீழே தரப்பட்டுள்ளது. கொடியின் புலம்  (ஃபீல்ட் - Field) என்றால் அதன் பின்புலத்தையும், பின்புலத்தின் நிறத்தையும் குறிக்கும். இங்கு புலம் இள நீல வண்ணத்தில் சுட்டப்பட்டுள்ளது. ஒரு  செவ்வகக் கொடியை நான்கு சம பகுதியாக பிரித்தால் அதில் பொதுவாக எந்த ஒரு கால் பகுதியையும்  கேன்டன் (Canton) என்று அழைக்கலாம். ஆனால் கொடிக் கம்பத்தின் அருகில் உள...
Read more

இராசிகளும் உடுக்களும் - அவியல் பார்வை பகுதி (5)

Image
இந்திய வானியல் மரபில் மேஷ இராசியில் உள்ள இரண்டு உடுக்கள் மட்டுமே அஸ்வினிக்கு உரியவை. β -  ஏரியெட்டிஸ் என்ற ஷெரட்டன் (Sheratan – β Arietis)  மற்றும் γ - ஏரியெட்டிஸ் (Mesarthim – γ Arietis ) என்ற மெசர்திம் ஆகிய இரு உடுக்களும் அஸ்வினி இராசிக்கு உரியன என்று கொள்ளப்படுகின்றன. இவற்றை அஸ்வினி குமாரர்கள் என்ற இரட்டைச் சகோதரர்கள் இந்து தொன்மங்கள் குறிப்பிடுகின்றன. இதில் ஒருவரின் பெயர் நாசத்யா என்றும் மற்றொருவர் தஸ்ரா என்றும் சொல்லப்பட்டுள்ளனர். இவர்கள் இருவரும் குதிரைத் தலையைக் கொண்டவர்கள் , தெய்வங்களின் மருத்துவர்கள் என்றும் இவர்களின் குறியீடாக குதிரைத் தலையும், விலங்குக் குறியீடாக ஆண் குதிரையும் இந்துத் தொன்மங்களில் சொல்லப்பட்டுள்ளது.  அப்பல்லோ (Apollo), கொரொனிசின் (Coronis) ஆகிய இருவரின் மகனான அஸ்கெல்பியஸ் (Asklepios) கிரேக்க தொன்மங்களில்  சொல்லப்படும் மருத்துவத்திற்கான தெய்வம். அஸ்கெல்பியஸை (Asklepios) அஸ்வினிக்குச் சமானவராகக் குறிப்பிடலாம். ரிக் வேதத்தில் இந்த அஸ்வின் குமாரர்கள் விஸ்வகர்மாவின் மகளும் மேகங்களின் தேவதையான சரண்யாவிற்கும் சூரியனின் விவஸ்வா...
Read more

இராசிகளும் உடுக்களும் - அவியல் பார்வை பகுதி (2)

Image
காற்றில் தூசு இல்லாத மேகம் இல்லாத தெளிவான நாளின்    இரவு வானில் நாம் வெறும் கண்களால் சுமார் 5000 முதல் 6000 உடுக்களைக் காண இயலும். பொதுவாக வானில் ஒரே பகுதியில் காணப்படும் உடுக்களுக்கிடையில் எந்தத் தொடர்பும் இல்லை என்றாலும், ஒழுங்கின்றி இருப்பவற்றில் ஒரு ஒழுங்கைக் கொண்டு வருவதில் மனிதனுக்கு ஆர்வம் எப்போதுமே இருந்து வந்திருக்கிறது. எனவேதான் குறிப்பின்றி வானில் தூவப்பட்டது போலிருக்கும் உடுக்களுக்குத் தன் கற்பனை மூலம் வடிவமும் பெயரும் அளித்தான் மனிதன்.  வட அரைக் கோளத்தில் காணப்படும் பல உடுத் தொகுப்புகள் பழைமையான பாரம்பரியமாகப் பெயரிட்டு அழைக்கப்பட்டவையே. எடுத்துக் காட்டாக ஓரியன் (Orion), பெருங்கரடி (Great Bear) போன்றவை. தென் அரைக்கோளத்தில் வானில் காணப்படும் பெயரிடப்படாத பகுதி உடுக்களுக்கு கடந்த நூற்றாண்டில் பெயரிடப்பட்டது. எடுத்துக் காட்டாக டெலிஸ்கோப்பியம் (Telescopium), ஆக்டஸ் (Octus), இண்டஸ் ( Indus) போன்றவற்றைக் குறிப்பிடலாம். இதக் கடைசியில் வரும் அட்டவணையைப் பார்த்தாலே புரிந்து கொள்ள இயலும். 1922 ஆண்டில் ஹென்றி நோரிஸ் ரஸ்ஸல் (Henry Norris Russell) 88 பொதுவான உட...
Read more