அன்னம் - கதை (6) - லோகேஷ்‌ ரகுராமன்

வழக்கம் போல கதையின் wordpress  இணைப்புக் கண்ணியைக் கீழே தந்துள்ளேன். கதையை முழுவதும் படித்து விட்டு அதன்பின் என் பார்வையில் கதையை குறித்து எழுதியுள்ளதைப் படிக்கவும்.


https://wp.me/p14lnH-rT


இந்த அன்னம் மிகச் சிறிய கதை.‌ இதுவரை  நான் படித்த லோகேஷ் ரகுராமனின் கதைகளில் இதுதான் அதிக ஆழமில்லாத கதைக் களத்தைக் கொண்டது என்று சொல்வேன். நடுத்தர வர்க்கத்தின் கதை என்று சொல்ல முடியும்.‌ 

கதையில் முதியவர் ஒருவர் வீட்டுக்குப் பக்கத்தில் உள்ள மளிகைக் கடையில் அரிசி வாங்குகிறார்.‌ அரிசியைக் கொஞ்சம் கொஞ்சமாக தேவைக்கேற்ப வாங்கலாம் என்ற‌ மனைவியின் பேச்சைக் கேட்காமல் ஒரேயடியாகப் பத்து கிலோ அரிசியை வாங்கி விடுகிறார்.

வாங்கிய அரிசி மூட்டை பிரிக்கப்படாமலேயே மூன்று தினங்கள் ஒடி விடுகிறது.‌ முதியவரின் மகன் பிரித்து வேறு பாத்திரத்திற்கு மாற்றிய போது அரிசியில் பழவாடை அடிப்பதும் சாக்கு மூட்டை ஈரித்திருப்பதும் தெரிகிறது. மகன் அரிசிப் புழுக்கூடுகளைக் கண்டதும் கடைக்கு‌ மாற்றித் தருவதற்காக எடுத்துச் செல்கிறார்




கடைக்காரர் மற்றும் அவரது மனைவி இருவரும் சற்றுக் கறாரானவர்கள். அவர்கள் இருவரும் கெட்டுப்போன அரிசியை மாற்றித் தர மறுப்பதுடன் அரிசி கெட்டுப்போனதற்கு காரணம் வாடிக்கையாளரான நீங்கள்தான் என்று குற்றம்‌ சாட்டுகிறார். தடித்த வார்த்தைகளை பயன்படுத்தி கெட்டுப்‌ போன பொருளை வாங்கிக் கொள்ள மறுத்து முதியவரின் மகனைத் திருப்பி அனுப்பி விடுகிறார்.

இந்த இடத்தில் ஒரு பிரபலமான தற்காலத் தமிழ் எழுத்தாளர் புளித்துப் போன தோசைமாவை மாற்றித் தர மறுத்த நிகழ்ச்சி நினைவுக்கு வருவதை‌த் தவிர்க்க இயலவில்லை.

வீட்டில் இது பிரச்சனை ஆகிறது.‌ முதியவர் தானே கடைக்கு நேரில் சென்று   அரிசியை மாற்றித் தரக் கேட்கிறார்.‌ஆனால் கடைக்காரர் மீண்டும் மறுத்து விடுகிறார்.‌அவருக்கே தன் தவறு  உறுத்தியிருக்க வேண்டும். 

கடைசியில் முதியவர் உன்னால் ஒரு பருக்கை கூட சாப்பிட முடியாது என்று சாபமிட்டதுடன் அந்த அரிசி மூட்டையை கடையின் அருகில் போட்டு விட்டுப் போய் விடுகிறார்.  கடைக்காரரும் அதை கண்டு கொள்ளாமல் விட்டு விடுகிறார். அப்புறம் அவர் அந்தக் கடையில் பொருட்களை வாங்குவதை நிறுத்திக் கொண்டார்.

ஒரு நாள் கடையின் ஷட்டரைத் திறந்து பார்த்த காட்சி அதிர்ச்சி அளிக்கிறது. அரிசி மூட்டையில் ஒரு வெள்ளரிச் செடி முளைத்திருந்தது. அந்தக் செடியை நட்டு உரமாக ஒரு‌ மூட்டை அரிசியையும் கடைக்காரர் போட்டு விடுகிறார்.‌ குற்ற‌ உணர்வில் தவிக்கும் கடைக்காரர் முதியவருடன் பேச முயற்சி செய்கிறார்.‌ முதியவர் ஆனால் அவரை முற்றிலும் நிராகரித்து விடுகிறார். இப்படிப் போகிற கதை நம் வாழ்வில் அன்றாடம் நடக்கும் கதைதான்.

சுருக்கமாகச் சொன்னால் கலியுகத்தில் கைமேல் பலன் என்பார்கள், கதை நமக்கு அதை உணர்த்துகிறது. 

வெள்ளரி விளைந்து தோட்டம் முழுவதும் பரவியிருந்தாலும் பழுத்து மஞ்சள் நிறத்தில் ‌வேலிக்கு வெளியே மின்னுகிறது என்ற கதையின் முடிவு யாருக்கும் பயன்படாமல் வீணாகிறது என்று என்று குறிப்பால் உணர்த்துகிறாரோ திரு.லோகேஷ் ரகுராமன் என்று தோன்றுவது எனக்கு மட்டும்தானா?



வரிசையில் அடுத்த கதை "நவம்". விரைவில் சந்திப்போம்.



Comments

Post a Comment

Popular posts from this blog

தேசியக் கொடிகள் பற்றிய சில அடிப்படைத் தகவல்கள் - (1)

Image
விண்மீன்களும் கொடிகளும் பற்றிய தொடரை எழுத ஆரம்பித்த போது அது என்னை புயல் காற்று போல் எங்கெங்கோ கூட்டிப் போணது. அப்போது கொடிகள் அவற்றின் அமைப்பு வரலாறு இவை பற்றி எல்லாம் கொஞ்சம் அறிந்து கொள்ள ஆரம்பித்தேன். அதை பகிரும் எண்ணத்துடன் என்னை ஊக்கப்படுத்தும் உங்களுக்கு சமர்ப்பணம் செய்கிறேன்.  கொடிகள் பற்றிய படிப்பு வெக்ஸில்லோஜி (vexillology) என்று அழைக்கப்படுகிறது. ஒரு கொடியின் அமைப்பில் பயன் படுத்தப்படும் சில தொழில்நுட்ப வார்த்தைகளையும் அவற்றுக்கான விளக்கங்களையும் கொடுத்துள்ளேன். இதில் தவறுகள் இருப்பின் எனக்கு தெரிவித்தால் திருத்திக் கொள்ள முடியும். பொதுவாக ஒரு கொடியின் வடிவமைப்பில் உள்ள முக்கியமான பகுதிகளும் அவற்றின் பெயர்களும் கீழே தரப்பட்டுள்ளது. கொடியின் புலம்  (ஃபீல்ட் - Field) என்றால் அதன் பின்புலத்தையும், பின்புலத்தின் நிறத்தையும் குறிக்கும். இங்கு புலம் இள நீல வண்ணத்தில் சுட்டப்பட்டுள்ளது. ஒரு  செவ்வகக் கொடியை நான்கு சம பகுதியாக பிரித்தால் அதில் பொதுவாக எந்த ஒரு கால் பகுதியையும்  கேன்டன் (Canton) என்று அழைக்கலாம். ஆனால் கொடிக் கம்பத்தின் அருகில் உள...
Read more

இராசிகளும் உடுக்களும் - அவியல் பார்வை பகுதி (2)

Image
காற்றில் தூசு இல்லாத மேகம் இல்லாத தெளிவான நாளின்    இரவு வானில் நாம் வெறும் கண்களால் சுமார் 5000 முதல் 6000 உடுக்களைக் காண இயலும். பொதுவாக வானில் ஒரே பகுதியில் காணப்படும் உடுக்களுக்கிடையில் எந்தத் தொடர்பும் இல்லை என்றாலும், ஒழுங்கின்றி இருப்பவற்றில் ஒரு ஒழுங்கைக் கொண்டு வருவதில் மனிதனுக்கு ஆர்வம் எப்போதுமே இருந்து வந்திருக்கிறது. எனவேதான் குறிப்பின்றி வானில் தூவப்பட்டது போலிருக்கும் உடுக்களுக்குத் தன் கற்பனை மூலம் வடிவமும் பெயரும் அளித்தான் மனிதன்.  வட அரைக் கோளத்தில் காணப்படும் பல உடுத் தொகுப்புகள் பழைமையான பாரம்பரியமாகப் பெயரிட்டு அழைக்கப்பட்டவையே. எடுத்துக் காட்டாக ஓரியன் (Orion), பெருங்கரடி (Great Bear) போன்றவை. தென் அரைக்கோளத்தில் வானில் காணப்படும் பெயரிடப்படாத பகுதி உடுக்களுக்கு கடந்த நூற்றாண்டில் பெயரிடப்பட்டது. எடுத்துக் காட்டாக டெலிஸ்கோப்பியம் (Telescopium), ஆக்டஸ் (Octus), இண்டஸ் ( Indus) போன்றவற்றைக் குறிப்பிடலாம். இதக் கடைசியில் வரும் அட்டவணையைப் பார்த்தாலே புரிந்து கொள்ள இயலும். 1922 ஆண்டில் ஹென்றி நோரிஸ் ரஸ்ஸல் (Henry Norris Russell) 88 பொதுவான உட...
Read more

இராசிகளும் உடுக்களும் - அவியல் பார்வை பகுதி (6)

Image
காலத்தை அறிந்து கொள்ள இன்றைக்குப் பலவகையான கருவிகள் சந்தையில் கொட்டிக் கிடக்கின்றன. கைக்கடிகாரங்கள் போன்ற எந்தக் கருவியும் இல்லாத அந்தக் காலத்தில் கிராமங்களில் மனிதர்கள் இரவில் உடுக் கூட்டத்தின் நிலையை வைத்துத்தான் தோராயமாகக் நேரத்தை நிர்ணயிப்பார்கள். முதலில் கீழ்க்கண்ட  ஒருவரி வாய்ப்பாட்டைப் பார்ப்போம். “அச்சுவனி அறுமீன் குதிரைத்தலைபோல்  மெச்சிடு கடகத்திரு கடிகையதாம்” இதனைப் பின்வருமாறு பொருள் கொள்ளலாம். அஸ்வினி உடுத் தொகுப்பில் ஆறு உடுக்கள் உள்ளன. இந்த ஆறு உடுக்களும் சேர்ந்து குதிரையின் தலை போலக் காணப்படும். அஸ்வினி உச்சத்தில் வரும் போது வானில் கடக இராசி உதயமாகி இரண்டு நாழிகைப் பொழுது ஆகி இருக்கும். இதனை எளிதாக விளங்கிக்கொள்ள கீழ்க்கண்ட, நமக்கு முன்னரே இத்தொடரின் முதல் பகுதியில் பரிச்சியமான பழைய படத்தைப் பயன்படுத்துவோம். ஐப்பசி மாதம் 15 ஆம் தேதிக்கு ஒருவர் இரவில் தலைக்கு மேல் அஸ்வினி உடுவைக் காண்பதாகக் கொள்வோம். ஐப்பசி மாதம் என்பது ஆங்கிலத்தில் அக்டோபர் - நவம்பர் மாதம். அப்போது சூரியன் விருச்சிகத்துக்கு நேராக இருப்பதாகத் தோற்றமளிக்கும். அல்லும் பகலும் ...
Read more