வழிப்போக்கன்

இரண்டாம் நூற்றாண்டில் “டாலமி” (Ptolemy) யால் வகைப்படுத்தப் பட்ட ஹஸ்தம், நமது விண்மீன் குழு வரிசையில் 13 வதாக இடம் பெற்று உள்ளது.   ஹஸ்தம்(Hastham)  ஹஸ்தம் என்றால் கரம். விநாயகனை “மோதக ஹஸ்த” அதாவது கொழுக்கட்டையை கரத்தில் கொண்ட என்ற பொருள் படச் சொல்கிறோம். இந்த விண்மீன் குழு கர வடிவத்தில் ஐந்து (5) விண்மீன்களைக் கொண்டதாகும்.  தமிழில் இலக்கியங்களில்  இந்த விண்மீன் குழுவை ஐவிரல், கைம் மீன் , களிறு காமரம், அங்கிநாள், கௌத்துவம், நவ்வி, என்றெல்லாம் அழைக்கப்படுகிறது. கோர்வஸ் அளவில் சிறிய விண்மீன் கூட்டம். இதன் எல்லைக்குள் தோற்றப் பொலிவெண் +6.5 அளவில் கொண்ட 29 விண்மீ்ன்கள் உள்ளதாக அறியப்பட்டுள்ளது. தற்போது சுட்டப்பட்டுள்ள 88 விண்மீன்கள் பட்டியலில் 70 வது இடத்தில் உள்ளது. காரணம் இதன் வானில் அடைக்கும் பரப்பு 184 சதுர பாகைகள்தான். அதாவது வானில் 0.446% இடத்தில் பரவியுள்ளது. கிரேக்க புராணத்தில் இது அப்பல்லோ (APOLLO) வின் புனிதப் பறவை என்று குறிப்பிடப்படுகிறது. இது காகம் (Crow) அல்லது அண்டங்காக்கை(Raven) என்ற பொருள் படும் கோர்வி (CORVI) என்றும் பெயரிட...

அடிப்படை வானவியல் பகுதி (2) சென்ற பகுதியில் புவியின் இயக்கம் பற்றிய சிலவற்றைப் பார்த்தோம். கடந்த பகுதியில் வான் கோள மாதிரியில் நாம் புவியை மையமாகக் கொண்டு வான் கோளம் வரைந்தோம். அதனால் விண்மீன்களின் பின்னணியில் சூரியனும் பிற கோள்களும் இயங்குவதாகத் தோன்றும். ஆனால் உண்மை நிலை இதற்கு மாறானது.  சூரியனை நீள்  வட்ட ப்பாதையில்  பூமி சுற்றி வருகிறது. மஞ்சள் நிறக் கோளம் சூரியன். நீல நிறக் கோளம் பூமி. (நன்றி : https://commons.wikimedia.org/wiki/File:Earth_tilt_animation.gif  ) பொதுவாகவே பொருட்களின் நிலை (Position) என்பது மற்றொரு பொருள் சார்ந்தது அமையும். உதாரணமாக நான் பயணிக்கும் திசை சார்ந்து இடம், வலம் போன்ற சுட்டுதல்கள் அமையும்.  தெருவில் கிழக்காக நடந்து செல்லும் போது பச்சை நிற வண்ணம் அடித்த ஒரு கட்டிடம் இடது புறம் இருந்தது என்றால், நான் அதே தெருவில் மேற்காகப் நடந்து செல்லும் போது அந்த பச்சை வண்ணக் கட்டிடம் வலது புறத்தில் இருக்கும்.  ஒரு ரயில் வண்டியில் பயணிக்கும் போது நம் ரயில் வண்டி பயணிக்கும் திசைக்கு எதிர்த்திசையில் சன்னல் வழி...

அடிப்படை வானியல் பகுதி (1)  வானியலில் அண்டம் (UNIVERSE) புவியைச் சுற்றி அமைந்த ஒரு கோளமாகக் கருதப்படுகிறது. வானில் காணப்படும் எல்லா வான் பொருட்களையும் இந்தக் கோளத்தில் எங்கு அமைகிறது என்பதை இடம் சுட்ட முடிகிறது. இக் கோளத்தை வான் கோளம் (CELESTIAL SPHERE) என்று அழைகிறோம். புவிலிருந்து காணும் போது இந்த வான் கோளம் இரு அச்சுப் புள்ளிகளான வட மற்றும் தென் வான் துருவங்கள் (NORTH AND SOUTH CELESTIAL POLES) வழிச் செல்லும்  அச்சொன்றைப் பற்றிச் சுற்றி சுழல்கிறது எனக் கருதலாம். வான் துருவங்கள் புவியின் துருவங்களுக்கு நேராக அமைகிறது. வான் நடுக்கோடு (CELESTIAL EQUATOR) வான் கோளத்தை வட அரைக்கோளம் (NORTHEN HEMI SPHERE) மற்றும் தென் அரைகோளம்(SOUTHERN HEMISPHERE) என்று இரு பிரிவுகளாகப் பிரிக்கிறது.  எந்த ஒரு வான் பொருளின் இருப்பிடத்தையும் குறிக்க புவியியலில் பயன்படும் அட்ச ரேகை (LATITUDE) தீர்க்க ரேகை (LONGITUDE) என்று கற்பனைக் கோடுகள் போல் இங்கும் இரு கற்பனைக் கோடுகள் பயன்படுத்தப் படுகின்றன. (1) வலது  கோணம் (RIGHT ASCENSION) என்பது தீர்க்க ரேகைக்க...

உத்திரம் விண்மீன்கள் சிம்ம ராசியில் உள்ள முக்கியமான மற்றொரு விண்மீன் குழு உத்திரம் எனப்படும் பீட்டா லியோனிஸ் (β - Leonis)  மற்றும் 93 லியோனிஸ் ஆகியன. சிம்ம ராசியில் காணப்படும் மூன்றாவது பொலிவான விண்மீன் டெனிபோலா (Denebola)  என்றழைக்கப்படும் பீட்டா லியோனிஸ் ஆகும். இது புவிலிருந்து சுமார் 36 ஒளி ஆண்டுகள் தொலைவில் உள்ள A வகை பிரதான வரிசை விண்மீன். தோற்றப்பொலிவு எண் + 2.14 கொண்ட இவ் விண்மீன் 1.78 மடங்கு சூரியனின் நிறை, சூரியனின் ஆரத்தில் 1.728 மடங்கும் உடையது. இது ஒரு பொலிவு மாறு விண்மீனாகும். இதற்கு டீனெப் அலசெட்(Deneb Alased) என்று அரபு மொழியில் பெயர் உண்டு. அதற்கு சிங்கத்தின் வால்(Tail of the Lion) என்று பொருளுண்டு. பிளாம்ஸ்டிட்(Flamsteed) முறையில் 94 - லியோ (94 - Leo) என்றும் அழைக்கப்படுகிறது. பீட்டா லியோனிஸ் சுமார் 400 மில்லியன் ஆண்டுகள் வயதே ஆன ஒரு இளமையான விண்மீன். தட்டைக் கோளுரு வடிவம் கொண்டது. இதன் வெளிப்புற வெப்ப நிலை 8500 கெல்வின் அளவில் உள்ளது. மிக அதிகமான தற்சுழற்சித் திசை வேகம் கொண்டது. அதாவது வினாடிக்கு 128 கிமீ. இங்கு சூரியனின் நடுக்கோட்டு (Equatorial v...

பூரம் விண்மீன்கள் - δ மற்றும் θ லியோனிஸ் (δ and θ Leonis) சிம்ம ராசியில் உள்ள பூரம் இரண்டு விண்மீன்களைக் கொண்டது. அவற்றை  முறையே ஜோஸ்மா (Zosma) என்றும் செர்டன், சோர்ட் மற்றும் காக்சா (Chertan, Chort or Coxa) என்ற பெயர்களால் அழைக்கப்படுகின்றன. பண்டைய கிரேக்கத்தில் ஜோஸ்மா (Zosma) என்றால் கச்சை (gridle) என்று பொருள்படும். இந்த விண்மீன் சிங்கத்தின் இடுப்பில் (hip of the lion) அமைந்துள்ளது. தமிழில் பூரம் விண்மீனை எலி, கணை, இடை எழும் சனி, துர்க்கை, பகவதி, நாவிதன் என்றும், வட மொழியில் பூர்வ பல்குனி என்றும் அழைக்கப்படுகிறது. அரபு மொழியில் செர்டன் (Chertan) என்றால் இரண்டு சிறிய விலா எலும்புகள் என்றும், சோர்ட் (Chort) என்றால் சிறிய விலா எலும்பு என்றும், காக்சா (Coxa) என்றால் இலத்தீன் மொழியில் இடுப்பு (Hip) என்றும் பொருள்படும். முதலில் டெல்ட்டா லியோனிஸ் (δ - Leonis) விண்மீனை பற்றிய விவரங்களைக் காணலாம். இது புவியிலிருந்து சுமார் 58.4 ஒளி ஆண்டுகள் தொலைவில் உள்ள மிகச் சாதாரணமான A4 வகை முதன்மை வரிசை விண்மீன். இதன் தோற்றப் பொலிவெண் +2.56. சூரியனுடன் ஒப்பிடும்...

மகம் சிம்ம ராசியில் அடங்கியுள்ளது.  சிம்மத்தில்   (Leo Constellation)   மகம் விண்மீன்கள் ஆல்பா, ஈட்டா, காமா, ஸீட்டா, மியூ, எப்சிலான் லியோனிஸ் (α, η, γ, ζ, μ, மற்றும் ε Leonis) ஆகிய ஆறு (6) விண்மீன்களைக் கொண்டது. தமிழில் இந்த விண்மீன் வேள்வி, வேட்டுவன், கொடுங்கம், வாய்க்கால், மாசி, முதலில் வரும் சனி, பிதிர் நாள், எழுவாயெழுஞ்சனி (திவாகர நிகண்டு) என்ற பெயர்களால் அழைக்கப்படுகிறது. சிங்கத்தின் இதயம் (Lion’s Heart) என்றழைக்கப்படும் ரெகுலஸ் (Regulus)  ஆல்பா லியோனிஸ் (α Leonis) அல்லது ஆல்பா லயன் (α - Lion )  இரவு வானத்தில் காணப்படும் பிரகாசமான நட்சத்திரங்களில் ஒன்று. திருப்பி வைக்கப்பட்ட கேள்விக்குறி வடிவத்தில் (படம்) அமைந்த லியோ கூட்டத்தில் கடைசி விண்மீனாக அமைந்துள்ளது.   மிகச் சரியாகச் சொன்னால் பொலிவு வரிசையில் 22 வது இடம் பெற்றுள்ளது. பூமியில் இருந்து சுமார் 79 ஒளி ஆண்டுகள் தொலைவிலமைந்துள்ளது. ரெகுலஸ் ஒரு B7 வகை பல்லுறுப்பு விண்மீன் அமைப்பாகும்.  குறைந்தது நான்கு விண்மீன்களைக் கொண்ட இரண்டு ஜோடிகள் அமைப்பாகும்....