இன்றைய (06.03.2017) இரவு வானம்.

 இன்று, நாளை அதாவது 06/03/2017 மற்றும் 07/03/2107 ஆகிய இரண்டு தினங்களும் நிலவு ஏழு பொலிவான விண்மீன்களுக்கு நடுவில் வானில் இருப்பதைக் காணலாம். இந்த ஏழு விண்மீன்களை ஒரு வட்டத்தில் அமைந்திருப்பதாகக் கற்பனையாகக் கருதி “ குளிர் கால வட்டம்” ( Winter Circle) என்ற பெயரிட்டழைக்கிறோம். வட அரைகோளத்தில் இருக்கும் நமக்கு பொழுது சாயும் வேளையில் தெற்கு வானில் பெரும் பகுதியை இந்த குளிர் கால வட்டம் நிரப்பி விடும். உலகின் பிற இடங்களில், அப்பகுதிகளில் குளிர் காலமாக இல்லாவிட்டாலும் கூட நிலவு இந்த விண்மீன்களுக்கு நடுவில் கோபியர் சூழ்ந்த கண்ணனைப் போல் காட்சியளிக்கும். தெற்கு அரைக்கோளத்தில், மித வெப்ப அட்சங்களில் இந்த குளிர்கால வட்டம் நாம் வட அரை கோளத்திலிருந்து காண்பதற்கு நேர் தலை கீழாக சிரியஸ் விண்மீன் (Sirius) மேலாகவும் கபெல்லா விண்மீன் (Capella) கீழாகவும் கட்புலனாகும். 



மாலை இன்னும் இருட்ட இருட்ட உலகக் கோளத்தின் வட அரைகோளத்தில் நாம் குறிப்பிடும் குளிர்கால வட்டத்தில் அமைந்த பொலிவான விண்மீன்கள் வானின் குறுக்காக வடக்கு நோக்கி மணிக்கு 15 டிகிரி கோணம் என்ற அளவில் நகரத்தொடங்கும்.  குளிர்கால வட்டம் என்பதை சிலர் “ குளிர்கால அறுகோணம்” (Winter Hexagon) என்றழைப்பர்.இது அங்கீகரிக்கப்பட்ட 88 விண்மீன் கூட்டங்களில் (constellation) ஒன்றல்ல. இது எளிதாக அடையாளம் காணக் கூடிய  ஒரு வானியல் தோற்றம் (asterism) மட்டுமே.
நாம் பயன்படுத்தும் வான் பொருள் வரைபடங்களில் குளிர்கால வட்டம் ஒருபடித்தான வட்டமாக இராது. இது தென் மேற்கு குளிர்கால வட்டப் பகுதியில் நிலை கொண்ட சற்றே பெரியதான ஓரியன் விண்மீன் கூட்டத்தை (Orion constellation) குள்ளமாகக் குறுக்கிக் காட்டும்.




குளிர்கால வட்டத்தை எப்படி அடையாளம் காண்பது என்பதைக் காண்போம். மாலை அந்திக்கருக்கலில் மேல் நோக்கிப் பார்க்க மத்திய அட்சங்களில் பொலிவான காபெல்லா (Capella) வின்மீனைக் காணலாம்.இந்த விண்மீன் குளிர்கால வட்ட விண்மீன்கள் வானியல் தோற்றத்தின் மேல்பக்கத்தை அல்லது வடக்கு முனையைச் சுட்டுவதாக அமையும். இருள் அதிகரிக்க அதிகரிக்க ஓரியன் விண்மீன் கூட்டம் மேற்கு வானில் மெள்ள தெரியத் தொடங்கும். ஓரியனின் இடுப்புக் கச்சிலிருந்து (Belt) கீழ் நோக்கி ஒரு கோடு கற்பனையாக வரிவோம். அது இரவின் மிகப் பொலிவான சிரியஸ் விண்மீனை (Sirius) அடையும். இது குளிர்கால வட்ட விண்மீன்கள் வானியல் தோற்றத்தின் அடிப்பக்கத்தை அல்லது தெற்கு முனையைச் சுட்டுவதாக அமையும்.

 தற்போது சென்னையில் என் வீட்டின் மாடியிலிருந்து இந்த ஏழு விண்மீன்களையும் தெளிவாக காண முடிகிறது.



கட்டுரை மூலம் : EarthSky.org.

Comments

Post a Comment

Popular posts from this blog

இராசிகளும் உடுக்களும் - அவியல் பார்வை பகுதி (6)

Image
காலத்தை அறிந்து கொள்ள இன்றைக்குப் பலவகையான கருவிகள் சந்தையில் கொட்டிக் கிடக்கின்றன. கைக்கடிகாரங்கள் போன்ற எந்தக் கருவியும் இல்லாத அந்தக் காலத்தில் கிராமங்களில் மனிதர்கள் இரவில் உடுக் கூட்டத்தின் நிலையை வைத்துத்தான் தோராயமாகக் நேரத்தை நிர்ணயிப்பார்கள். முதலில் கீழ்க்கண்ட  ஒருவரி வாய்ப்பாட்டைப் பார்ப்போம். “அச்சுவனி அறுமீன் குதிரைத்தலைபோல்  மெச்சிடு கடகத்திரு கடிகையதாம்” இதனைப் பின்வருமாறு பொருள் கொள்ளலாம். அஸ்வினி உடுத் தொகுப்பில் ஆறு உடுக்கள் உள்ளன. இந்த ஆறு உடுக்களும் சேர்ந்து குதிரையின் தலை போலக் காணப்படும். அஸ்வினி உச்சத்தில் வரும் போது வானில் கடக இராசி உதயமாகி இரண்டு நாழிகைப் பொழுது ஆகி இருக்கும். இதனை எளிதாக விளங்கிக்கொள்ள கீழ்க்கண்ட, நமக்கு முன்னரே இத்தொடரின் முதல் பகுதியில் பரிச்சியமான பழைய படத்தைப் பயன்படுத்துவோம். ஐப்பசி மாதம் 15 ஆம் தேதிக்கு ஒருவர் இரவில் தலைக்கு மேல் அஸ்வினி உடுவைக் காண்பதாகக் கொள்வோம். ஐப்பசி மாதம் என்பது ஆங்கிலத்தில் அக்டோபர் - நவம்பர் மாதம். அப்போது சூரியன் விருச்சிகத்துக்கு நேராக இருப்பதாகத் தோற்றமளிக்கும். அல்லும் பகலும் ...
Read more

இராசிகளும் உடுக்களும் - அவியல் பார்வை பகுதி (2)

Image
காற்றில் தூசு இல்லாத மேகம் இல்லாத தெளிவான நாளின்    இரவு வானில் நாம் வெறும் கண்களால் சுமார் 5000 முதல் 6000 உடுக்களைக் காண இயலும். பொதுவாக வானில் ஒரே பகுதியில் காணப்படும் உடுக்களுக்கிடையில் எந்தத் தொடர்பும் இல்லை என்றாலும், ஒழுங்கின்றி இருப்பவற்றில் ஒரு ஒழுங்கைக் கொண்டு வருவதில் மனிதனுக்கு ஆர்வம் எப்போதுமே இருந்து வந்திருக்கிறது. எனவேதான் குறிப்பின்றி வானில் தூவப்பட்டது போலிருக்கும் உடுக்களுக்குத் தன் கற்பனை மூலம் வடிவமும் பெயரும் அளித்தான் மனிதன்.  வட அரைக் கோளத்தில் காணப்படும் பல உடுத் தொகுப்புகள் பழைமையான பாரம்பரியமாகப் பெயரிட்டு அழைக்கப்பட்டவையே. எடுத்துக் காட்டாக ஓரியன் (Orion), பெருங்கரடி (Great Bear) போன்றவை. தென் அரைக்கோளத்தில் வானில் காணப்படும் பெயரிடப்படாத பகுதி உடுக்களுக்கு கடந்த நூற்றாண்டில் பெயரிடப்பட்டது. எடுத்துக் காட்டாக டெலிஸ்கோப்பியம் (Telescopium), ஆக்டஸ் (Octus), இண்டஸ் ( Indus) போன்றவற்றைக் குறிப்பிடலாம். இதக் கடைசியில் வரும் அட்டவணையைப் பார்த்தாலே புரிந்து கொள்ள இயலும். 1922 ஆண்டில் ஹென்றி நோரிஸ் ரஸ்ஸல் (Henry Norris Russell) 88 பொதுவான உட...
Read more

வானம் எனக்கொரு போதி மரம் - அத்தியாயம் (1)

Image
விண் பொருள் கைகாட்டி மரம் விண் மீன்கள் வானம் எனக்கொரு போதிமரம். நாளும் எனக்கது சேதி தரும். ஆதி மனிதன் முதல் கவிப்பேரரசு வைர முத்து ஈறாக பலருக்குப் பல புதுப்புது சேதிகளைத் தினம் தினம் கூறுவது அழகிய வானம் தான். மனிதனின் மனத்தில் எப்போதும் சிந்தனையைத் தூண்டும் ஒரு விண்வெளி அற்புதம் விண் மீன்கள் என்றால் அது மிகையில்லை.கருப்புப் போர்வையில் ஒளி வீசும் வைரங்களைத் தூவியது போல் தெரியும் அந்த இரவு வானின் வனப்பை அனுபவிப்பதுவே ஒரு சுகானுபவம் தான்.ஆதி மனிதன் தொடங்கி இன்று வரை இச்சுகானுபவத்தை அனுபவிக்காதவர் யாருமேயில்லை என்று கூறலாம்.  காரணம், தனது அன்றாட வாழ்க்கையில் காணும் உருவங்களுடன்,இந்த வாரியிறைத்த வைரங்களைத்தொடர்பு படுத்தியும்,வகைப்படுத்தியும் செய்த கற்பனை, அவனது வியப்பூட்டும் இரசிகத்தன்மையை நன்கு வெளிப்படுத்துகிறது.  தான் பார்க்கும் விண்மீன் கூட்டங்களை எளிதில் அடையாளம் காணும் பொருட்டு அதீதக் கற்பனையுடன் அவனறிந்த விலங்குகளின் உருவங்களுடன் தொடர்பு படுத்தி பெயரிட்டழைக்க ஆரம்பித்தான்.  பெருங்கரடி( GREAT BEAR ) எனப்படும் URSA MAJOR   சிம்மம் ( LION ) எனப்ப...
Read more